Mousso-di-flouristo
Hylocomiadelphus triquetrus
Hylocomiaceae
Noms en français : Ébouriffe triangulaire, Mousse des jardiniers.
Descripcioun :Aquelo grando mousso pluroucarpo i cambo dreissado fai de gràndi tepo o de gròssi mato sus lou sòu. Trachis dins li relarg umide e fres souto li faiard o àutris aubre. Li fueio soun grando (4,5 x 3 mm), gaire plegado, jaunasso quouro seco, dentado au bout emé uno costo doublo sus la mita de la fueio. Au microuscope se vèson de celulo emé de pichot trau coume pourta pèr de tube (fueio prourado). Fai raramen d'espouroufite qu'es diouïco.
Usanço :Se pòu engana emé Eurynchium striatum qu'a qu'uno souleto rufo e de fueio forço mai plegado.Usanço : aquelo mousso es acampado pèr li flouristo, pèr acò es marcado sus listo roujo.
Port : Pluroucarpo
Taio : 15 à 20 cm
Fueio : 3,2 à 5 mm
Tipe bioulougico :
Cicle bioulougico : Planto renadivo
Gènre : Hylocomiadelphus
Famiho : Hylocomiaceae
Ordre : Hypnales
Coulour de la flour :
Petalo : 1,5 à 5 cm
Ø (o loungour) flour : Coumplet
Flourido : Printèms
Sòu : Si (Ca)
Autour basso e auto : 500 à 2000 m
Aparado : Noun
Mars à mai
Liò : Sòu
- Roco
- Ribas
- Pelouso
Estànci : Mountagnard à Subaupen
Couroulougi : Bourealo
Ref. sc. : Hylocomiadelphus triquetrus (Hedw.) Ochyra & Stebel, 2008
(= Hylocomium triquetrum (Hedw.) Schimp., 1852 = Rhytidiadelphus triquetrus (Hedw.) Warnst., 1906 )
Esparset(-de-Briançoun)
Hedysarum brigantiacum
Fabaceae Leguminosae
Noms en français : Sainfoin de Briançon, Hédysarum de Briançon.
Descripcioun :L'esparset-de-Briançoun trachis dins li pelouso de mountagno mejano sus cauquié. Li flour soun pus o mens pourpro à blanc de la dins la populacioun. Aquesto planto sarié uno bastardo entre H. hedysaroides e H. boutignyanum. S'atrovo d'aiours i raro qu'aquésti dos espèçi (la premiero dins lis Aup de l'uba e la segoundo dins lis Aup dóu miejour). Aquesto planto èi quàsi amenaçado, categourìo NT sus listo roujo.
Usanço :Ramentan qu'èi pas counseia de manja li grano, que soun empouisounanto e dounon uno malautié néuroulougico, lou latirisme (presènci d'ODAP). Semblo qu'es acò qu'aurié tua Christopher McCandless, d'ounte es esta fa un film couneigu, "Into the Wild". Aurié manja de grano de Hedysarum alpinum, pamens counsidera coume manjadis.
Port : Erbo
Taio : 20 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo
Gènre : Hedysarum
Famiho : Fabaceae
Famiho classico : Leguminosae
Ordre : Fabales
Coulour de la flour :
Roujo
Petalo : irreguliero
Ø (o loungour) enflourejado : 5 à 15 cm
Flourido : Printèms
- Estiéu
Sòu : Ca
Autour basso e auto : 1600 à 2700 m
Aparado : Noun
Remarco : H. hedysaroides x H. boutignanum
Jun à avoust
Liò : Pelouso
Estànci : Subaupen à Aupen
Couroulougi : Ouroufito-Ouèst-Aupenco
Ref. sc. : Hedysarum brigantiacum Bourn., Chas & Kerguélen, 1992